శ్రీకృష్ణ

గోవింద గోవింద హరే హరే
శ్రీకృష్ణ గోవింద హరే హరే
గోపీ లోల హరే హరే
రాధ మాధవ హరే హరే

నీవు పలికించే మోహన మురళి
నీ మృదు పాద మంజీర రవళి
అందంగా మెరిసే నీ లలాట కస్తూరి
వర్ణింపతరమా నిన్ను పీతాంబరధారి "గో "

నీ సిగలో ఒదిగిన నెమలీక
మెడలో మురిసే పూమాల
కనువిందు చేసే నీ మానస రూపం
కమనీయం నీ దర్శన భాగ్యం "గో "

మనోహరం రాధారమణీయం
సమ్మోహనం నీ లీలామృతం
సుమధురం నీ వాత్సల్యం
పులకించి తరిచెను భక్త జనం "గో "

గోవింద గోవింద హరే హరే
శ్రీకృష్ణ గోవింద హరే హరే ......

మనసు

  మధురమైన మన పయనం లో
  నువ్వు పంచిన ప్రేమ సాక్షిగా
  నా మనసు తెలిపిన సత్యం ....
                                             నా చిరునామా నీ హృదయం....

జీవితం

  భావాలుఎన్నో  మౌనాలుఎన్నో
 ఎవరికీ కనపడని  అంతరంగాలు ఎన్నో

కలిసి నడిచిన సుఖదుఃఖాలు
నడిపించిన ఆశీర్వాదాలు

అలరించిన ఆనందాలు
ఆలోచించిన  క్షణాలు

ఇంకా ఎన్నో ఎన్నెన్నో అనుభవాలు
జీవితం అందించే మధురాలు

శ్రీ సాయి

శ్రీ గురు పాదం  సద్గురు పాదం
జయగురు పాదం  నమో సాయి పాదం

జగద్గురు సాయి దివ్య పాదం
అందరికి అభయమందించు పాదం
గంగా జమునలు జనించిన పాదం
మోక్షమందించు శ్రీ సాయి పాదం


భక్తుల హృదయాలు ఏలే పాదం
తోడూ నీడై నడిపించే పాదం
జీవన గమనం నిర్దేశించే పాదం
ముల్లోకాలకు మూలాధారమైన పాదం

శ్రీ గురు పాదం  సద్గురు పాదం
జయగురు పాదం  నమో సాయి పాదం